არ ვიცი, თუ რატომ გააკეთა მან ეს განცხადება, მე ასეთი სახის განცხადებას არ გავაკეთებდი. ამის შესახებ საქართველოს პრეზიდენტმა სალომე ზურაბიშვილმა „ფრანს 24“-თან ინტერვიუში ინტერვიუში განაცხადა. კითხვა ეხებოდა საქართველოს პრემიერ-მინისტრ ირაკლი ღარიბაშვილის განცხადებას, რომ საქართველოს არ აპირებს  რუსეთისთვის სანქციების დაწესებას.

„პირველ რიგში, არ ვიცი, თუ რატომ გააკეთა მან ეს განცხადება. ვფიქრობ, რომ ეს საკითხი არ დგას, რადგან ჩვენი ქვეყანა უკვე სანქცირებულია ოკუპირებული ტერიტორიებით. დარწმუნებული არ ვარ, რა ტიპის სანქციების დაწესება შეგვეძლება, რომლებსაც მნიშვნელობა ექნება ამ ეტაპზე. სწორედ ამიტომ, არ ვფიქრობ, რომ ასეთი სახის განცხადებას დღეს რაიმე აზრი აქვს. შემიძლია, გულწრფელად ვთქვა, მე ასეთი სახის განცხადებას არ გავაკეთებდი. ვფიქრობ, რაც მნიშვნელოვანია და რასაც ყველა ელის საქართველოსგან, ეს არის ღია სოლიდარობა, ამიტომ ვარ აქ, ამას ვუდასტურებ პრეზიდენტ ზელენსკის. ამას ძალიან მკაფიოდ ადასტურებს ქართველი მოსახლეობა. ეს არის მესიჯი, რომლის მოტანაც აქ მინდა – ჩვენ უკრაინას აბსოლუტურ სოლიდარობას ვუცხადებთ“ – განაცხადა სალომე ზურაბიშვილმა.